മുണ്ടക്കയം സെന്റ് ജോസഫ്സ് സെൻട്രൽ സ്കൂളിൽ സിനിമ പ്രദർശനം

മികച്ച കുട്ടികളുടെ ചിത്രത്തിന് കെ സി ഡാനിയേൽ ഫൗണ്ടേഷൻ പുരസ്കാരം ലഭിച്ച കലാം സ്റ്റാൻഡേർഡ് 5B എന്ന കലാമൂല്യമുള്ള സിനിമ കുട്ടികൾക്കും മാതാപിതാക്കൾക്കും വേണ്ടി പ്രദർശിപ്പിച്ചു. കുട്ടികളെയും മാതാപിതാക്കളെയും സംവേദന ക്ഷമതയുള്ളവരാക്കി തീർക്കുക എന്ന ലക്ഷ്യത്തോടുകൂടി ക്രമീകരിച്ച ഈ സിനിമ പരിസ്ഥിതി, കുടുംബ മൂല്യങ്ങൾ, സൗഹൃദം, അഭിലാഷങ്ങൾ, സ്വപ്നം, ആത്മവിശ്വാസം, വിദ്യാഭ്യാസത്തിന്റെ പ്രാധാന്യം തുടങ്ങിയ വിഷയങ്ങൾ പ്രതിപാദിക്കുന്നുണ്ട്.

ഈ സിനിമയുടെ സംവിധായകൻ ലിജു മിത്രൻ മാത്യു, സിനിമയിലെ പ്രധാന നടനും പ്രൊഡ്യൂസറുമായ ടോം ജേക്കബ് എന്നിവർ കുട്ടികളോടും മാതാപിതാക്കളോടും സംവദിച്ചു. നടനും വിതരണക്കാരനുമായ ജയേഷ് തമ്പാൻ സന്നിഹിതനായിരുന്നു.

കുട്ടികൾ സിനിമ ആസ്വദിക്കുകയും സിനിമയിലൂടെ പകർന്ന നൽകുന്ന മൂല്യങ്ങളെ അഭിനന്ദിക്കുകയും അവരുടെ ദൈനംദിന ജീവിതത്തിൽ അവ ഉൾപ്പെടുത്താമെന്ന് വാഗ്ദാനം ചെയ്യുകയും ചെയ്തു.