സൗത്ത് ഏഷ്യൻ ഗോൾ ഷോട്ട് ബോൾ ചാമ്പ്യൻഷിപ്പ്: ഇന്ത്യയ്ക്ക് സ്വർണം; അഭിമാനമായി മുണ്ടക്കയം സ്വദേശി അഭിജിത്ത്
മുണ്ടക്കയം: നേപ്പാളിൽ വെച്ച് നടന്ന പ്രഥമ സൗത്ത് ഏഷ്യൻ ഗോൾ ഷോട്ട് ബോൾ ചാമ്പ്യൻഷിപ്പിൽ ഇന്ത്യയ്ക്ക് ഉജ്ജ്വല വിജയം. ഡിസംബർ 16 മുതൽ 19 വരെ നടന്ന ആവേശകരമായ മത്സരത്തിൽ നേപ്പാളിനെ പരാജയപ്പെടുത്തിയാണ് ഇന്ത്യൻ ടീം ഒന്നാം സ്ഥാനവും സ്വർണ്ണ മെഡലും കരസ്ഥമാക്കിയത്.
ഇന്ത്യൻ ടീമിനെ പ്രതിനിധീകരിച്ച് മികച്ച പ്രകടനം കാഴ്ചവെച്ച മുണ്ടക്കയം ഏന്തയാർ സ്വദേശി അഭിജിത്ത് സന്തോഷ് നാടിന്റെ അഭിമാനമായി മാറി. അന്താരാഷ്ട്ര തലത്തിൽ നടന്ന ഈ ചാമ്പ്യൻഷിപ്പിലെ വിജയം അഭിജിത്തിന്റെ കഠിനാധ്വാനത്തിന്റെയും മികച്ച കായിക മികവിന്റെയും ഫലമാണ്.
മുണ്ടക്കയത്തിന് കായിക ഭൂപടത്തിൽ പുതിയൊരു നേട്ടം കൂടി സമ്മാനിച്ച അഭിജിത്തിന് വിവിധ കോണുകളിൽ നിന്ന് അഭിനന്ദന പ്രവാഹമാണ് ലഭിക്കുന്നത്.
