പാളത്തൊപ്പിയണിഞ്ഞ്, കാളവണ്ടിയിലേറി കൈവീശി അഭിവാദ്യം അർപ്പിച്ചെത്തിയ സ്ഥാനാർത്ഥിയെ നെഞ്ചിലേറ്റി എരുമേലി പട്ടണം; ആവേശക്കടലായി എരുമേലി
എരുമേലി: പാളത്തൊപ്പിയണിഞ്ഞ്, കാളവണ്ടിയിലേറി കൈവീശി അഭിവാദ്യം അർപ്പിച്ചെത്തിയ സ്ഥാനാർത്ഥിയെ നെഞ്ചിലേറ്റി എരുമേലി പട്ടണം. പൂഞ്ഞാർ മണ്ഡലം യുഡിഎഫ് സ്ഥാനാർത്ഥി എം.ജെ. സെബാസ്റ്റ്യൻ വ്യാഴാഴ്ച നടത്തിയ പ്രചരണ പര്യടനമാണ് എരുമേലിയെ ആവേശക്കൊടുമുടിയിൽ എത്തിച്ചത്. നൂറുകണക്കിന് പ്രവർത്തകരുടെ അകമ്പടിയോടെ നടന്ന പ്രകടനം ടൗണിൽ വിസ്മയ കാഴ്ചയായി മാറി.
പത്ത് വർഷത്തെ ഇടതുഭരണം ജനങ്ങൾക്കേൽപ്പിച്ച കനത്ത പ്രഹരത്തിന് ഈ തെരഞ്ഞെടുപ്പിലൂടെ ജനം മറുപടി നൽകുമെന്ന് സ്വീകരണ യോഗത്തിൽ സംസാരിക്കവേ എം.ജെ. സെബാസ്റ്റ്യൻ പറഞ്ഞു. കേരളത്തിൽ ഇത്തവണ യുഡിഎഫ് ഭരണമുണ്ടാകുമെന്നും എരുമേലിയുടെ സമഗ്ര വികസനത്തിനായി പ്രത്യേക പ്രൊജക്റ്റ് തയ്യാറാക്കി അഞ്ച് വർഷത്തിനുള്ളിൽ അത് പൂർത്തിയാക്കുമെന്നും അദ്ദേഹം വോട്ടർമാർക്ക് ഉറപ്പ് നൽകി.
• ഉദ്ഘാടനം: ആന്റോ ആന്റണി.
• പ്രമുഖ സാന്നിധ്യം: കെപിസിസി ജനറൽ സെക്രട്ടറി പി.എ. സലിം, പ്രകാശ് പുളിക്കൻ, ബിനു മറ്റക്കര, റോയി കപ്പലുമാക്കൽ തുടങ്ങിയവർ പങ്കെടുത്തു.
• പര്യടനം: രാവിലെ ഒമ്പതിന് എരുമേലി ടൗണിൽ നിന്നാരംഭിച്ച പര്യടനം പഞ്ചായത്തിലെ വിവിധ വാർഡുകൾ പിന്നിട്ട് വൈകിട്ട് ചേനപ്പാടിയിൽ സമാപിച്ചു.
വരും ദിവസങ്ങളിൽ മണ്ഡലത്തിലെ മറ്റ് ഭാഗങ്ങളിലും സമാനമായ രീതിയിൽ വമ്പിച്ച പ്രചരണ പരിപാടികൾ സംഘടിപ്പിക്കാനാണ് യുഡിഎഫ് തീരുമാനം.
