എഴുപതിന്റെ നിറവിൽ മാർ റാഫേൽ തട്ടിൽ; ആശംസകളുമായി നൂറിന്റെ വിസ്മയം മാർ പള്ളിക്കാപറമ്പിൽ

സീറോ മലബാർ സഭയുടെ മേജർ ആർച്ച് ബിഷപ്പ് മാർ റാഫേൽ തട്ടിൽ പിതാവിന് സപ്തതി നിറവിൽ സ്നേഹാദരങ്ങളുമായി പാലാ രൂപതയുടെ മുൻ മെത്രാൻ മാർ ജോസഫ് പള്ളിക്കാപറമ്പിൽ എത്തി. എഴുപതാം പിറന്നാൾ ആഘോഷിക്കുന്ന മേജർ ആർച്ച് ബിഷപ്പിനെ കാണാൻ നൂറു വയസ്സ് പിന്നിട്ട ‘വലിയ പിതാവ്’ എത്തിയത് സഭാംഗങ്ങൾക്കും വിശ്വാസികൾക്കും ആവേശം പകരുന്ന കാഴ്ചയായി.

കാക്കനാട് മൗണ്ട് സെന്റ് തോമസിൽ നടന്ന ലളിതമായ ചടങ്ങിലായിരുന്നു ഈ അപൂർവ്വ സംഗമം. ഏപ്രിൽ 20-നാണ് മാർ റാഫേൽ തട്ടിൽ എഴുപതാം വയസ്സിലേക്ക് പ്രവേശിച്ചത്.

• അപൂർവ്വ കൂടിക്കാഴ്ച: 70 വയസ്സ് തികഞ്ഞ സഭാനേതാവിന് ആശംസകൾ നേരാൻ 100 വയസ്സ് തികഞ്ഞ ആത്മീയ ആചാര്യൻ നേരിട്ടെത്തി.

• അതിഥികൾ: പാലാ രൂപത അധ്യക്ഷൻ മാർ ജോസഫ് കല്ലറങ്ങാട്ട്, മാർ ജോസഫ് കൊല്ലംപറമ്പിൽ, പാലാ രൂപത പ്രോട്ടോസിഞ്ചെലൂസ് ഫാ. ജോസഫ് തടത്തിൽ, വികാരി ജനറാൾമാരായ ഫാ. സെബാസ്റ്റ്യൻ വേത്താനത്ത്, ഫാ. ജോസഫ് മുത്തനാട്ട്, മാർ കല്ലറങ്ങാടിന്റെ സെക്രട്ടറി ഫാ. അഗസ്റ്റിൻ കണ്ടത്തിക്കുടിലിൽ എന്നിവരും സംഘത്തിലുണ്ടായിരുന്നു.

• സ്വീകരണം: തന്നെ സന്ദർശിക്കാനെത്തിയ മാർ പള്ളിക്കാപറമ്പിലിനെ ഷാൾ അണിയിച്ചും പൂച്ചെണ്ട് നൽകിയുമാണ് മാർ റാഫേൽ തട്ടിൽ സ്വീകരിച്ചത്.