പുതിയ ചരിത്രം കുറിച്ച് സ്വര്ണവില; ആദ്യമായി 85,000ന് മുകളില്! ഒറ്റയടിക്ക് വര്ധിച്ചത് 680 രൂപ, അലാടിസ് ഗോൾഡ് മുണ്ടക്കയം ഇന്നത്തെ നിരക്ക് ഇങ്ങനെ..
സംസ്ഥാനത്ത് സ്വര്ണവില ചരിത്രത്തിലെ ഏറ്റവും ഉയര്ന്ന നിലയില്. ആദ്യമായി സ്വര്ണവില 85,000 കടന്നു. പവന് 680 രൂപ വര്ധിച്ചതോടെയാണ് സ്വര്ണവില ആദ്യമായി 85000ന് മുകളില് എത്തിയത്. 85,360 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 85 രൂപയാണ് വര്ധിച്ചത്. 10,700 രൂപയാണ് ഒരു ഗ്രാം സ്വര്ണത്തിന്റെ വില.
ഈ മാസം ആദ്യം 77,640 രൂപയായിരുന്നു സംസ്ഥാനത്തെ സ്വര്ണവില. സെപ്റ്റംബര് 9 നാണ് വില എണ്പതിനായിരം പിന്നിട്ടത്. തുടര്ന്നുള്ള ദിവസങ്ങളില് ഓരോ ദിവസവും റെക്കോര്ഡുകള് ഭേദിച്ച് സ്വര്ണവില കുതിക്കുന്ന കാഴ്ചയാണ് ദൃശ്യമായത്. 23ന് രേഖപ്പെടുത്തിയ 84,840 രൂപ എന്ന റെക്കോര്ഡ് ആണ് ഇന്ന് തിരുത്തിയത്.
