മുണ്ടക്കയത്ത് വൻ സ്ഫോടകവസ്തു ശേഖരം പിടികൂടി; കോരുത്തോട് സ്വദേശിയക്ക് വേണ്ടി എത്തിച്ചത് എന്ന് സംശയം
മുണ്ടക്കയം: ജനവാസ മേഖലയിൽ ഭീതി പരത്തി വൻ സ്ഫോടകവസ്തു ശേഖരം പോലീസ് പിടികൂടി. മുണ്ടക്കയം പുത്തൻചന്തയിൽ കുടുംബങ്ങൾ താമസിക്കുന്ന സ്വകാര്യ ഫ്ലാറ്റിന്റെ മൂന്നാം നിലയിൽ നിന്നാണ് സ്ഫോടകവസ്തുക്കൾ കണ്ടെടുത്തത്. സംഭവവുമായി ബന്ധപ്പെട്ട് ഒരു തമിഴ്നാട് സ്വദേശിയെ പോലീസ് കസ്റ്റഡിയിലെടുത്തു എന്ന് സൂചന
കുടുംബങ്ങൾ താമസിക്കുന്ന കെട്ടിടത്തിൽ ഇത്രയധികം സ്ഫോടകവസ്തുക്കൾ സൂക്ഷിച്ചത് വലിയ അപകടസാധ്യതയാണ് ഉയർത്തിയത്. രഹസ്യവിവരത്തെ തുടർന്ന് പോലീസ് നടത്തിയ പരിശോധനയിലാണ് ഇവ കണ്ടെത്തിയത്. പിടികൂടിയ സ്ഫോടകവസ്തുക്കൾ ക്വാറി ആവശ്യങ്ങൾക്കായി എത്തിച്ചതാണെന്ന് പോലീസ് കരുതുന്നു.
കോരുത്തോട് സ്വദേശി നടത്തുന്ന അനധികൃത പാറമടകളിലേക്ക് എത്തിച്ചതാണ് ഈ സ്ഫോടകവസ്തുക്കളെന്ന് പ്രാഥമിക നിഗമനം.
