മണിക്കൽ നിവാസികളുടെ ഒത്തൊരുമയുടെ ഓണം
തിരുവോണനാളിൽ മണിക്കൽ നിവാസികൾ ഒത്തൊരുമിച്ച് വിപുലമായ ഓണാഘോഷം നടത്തി.കൃത്യം 10 മണിക്ക് തന്നെ മണിക്കല്ലിൽ വെച്ച് ആഘോഷ പരിപാടികൾ ആരംഭിച്ചു സജിനി,ആതിര സീമ അശ്വതി,എന്നിവർ ചേർന്ന് വർണ്ണാഭമായ അത്തപ്പൂക്കളം ഒരുക്കി. പരിപാടിയുടെ പ്രസിഡന്റായ ബിനു വി ബി യുടെ അധ്യക്ഷതയിൽ ഉദ്ഘാടനം നടന്നു. തുടർന്ന് അനിൽ,അഭിലാഷ്,ജയൻ എന്നിവരുടെ നേതൃത്വത്തിൽ ഓണക്കളികൾ അരങ്ങേറി.
ഉച്ചയ്ക്ക് തദ്ദേശവാസികളുടെ സഹകരണത്തോടെ ഭാമ അമ്മയുടെയും ബിജുവിനെയും നേതൃത്വത്തിൽ 22 കൂട്ടം വിഭവങ്ങളോടെ വിപുലമായ സദ്യയും നടത്തി. തുടർന്ന് മുതിർന്നവരുടെ പണ്ടത്തെ ഓണം ഓർമ്മകൾ പങ്കുവെച്ചു അത് പുതിയ തലമുറയ്ക്ക് ഒരു പുത്തൻ ഉണർവേകി അതിനുശേഷം ബിനു വി.ബി യുടെ നേതൃത്വത്തിൽ സാംസ്കാരിക സമ്മേളനം നടന്നു. പ്രമോദ് തോപ്പിൽ സ്വാഗതം ആശംസിച്ചു. രാജൻ തോപ്പിൽ മുഖ്യസംഭാഷണം നടത്തി വി കെ ബേബി,തങ്കൻ ജോർജ്,സി വി ദാമോദരൻ,ജോർജ്, ഷീബ, പൊന്നി സന്തോഷ് എന്നിവർ ആശംസകൾ അറിയിച്ചു. തുടർന്ന് കായിക കേരളത്തിന് മികച്ച സംഭാവനകൾ നൽകിയ മണിക്കൽ നിവാസിയും മുൻ നേവി ഉദ്യോഗസ്ഥനും നിലവിൽ ഹൈറേഞ്ച് സ്പോർട്സ് അക്കാഡമി കോച്ചും ആയ ശ്രീ സന്തോഷ് ജോർജിനെയും, പത്ത് പ്ലസ് ടു ഉന്നത വിജയം നേടിയ കുട്ടികളെയും ആദരിച്ചു. മത്സരങ്ങളിൽ വിജയിച്ചവർക്ക് സമ്മാനദാനം നൽകി മത്സരത്തിൽ പങ്കെടുത്ത എല്ലാ കുട്ടികൾക്കും പ്രോത്സാഹന സമ്മാനവും നൽകി.
ഐവിന്റേയും വിനോദിന്റെയും നേതൃത്വത്തിൽ ഗാനസന്ധ്യയും കുട്ടികളുടെ നൃത്ത പരിപാടികളും അരങ്ങേറി. പ്രദീപ് തോപ്പിൽ ന്റെ കൃതജ്ഞതയോടെ 2025ലെ തിരുവോണാഘോഷം സമാപിച്ചു
