പാമ്പുകടിയേറ്റതെന്ന് സംശയം; കോരൂത്തോട് മടുക്കയിൽ വയോധിക മരിച്ചു

കോരൂത്തോട് വില്ലേജ് മടുക്ക പി.ഒ., പനക്കച്ചിറ ചേരിമലചെരുവിൽ തോമസിന്റെ ഭാര്യ മോളിക്കുട്ടി തോമസ് (72) ആണ് മരിച്ചത്.

ബുധനാഴ്ച (25.02.2026) വൈകുന്നേരം നാല് മണിയോടെയായിരുന്നു സംഭവം. കുടുംബത്തോടൊപ്പം താമസിക്കുന്ന വീടിന് സമീപത്ത് വെച്ച് മോളിക്കുട്ടിക്ക് എന്തോ കടിയേൽക്കുകയായിരുന്നു. അസ്വസ്ഥത പ്രകടിപ്പിച്ചതിനെത്തുടർന്ന് ഉടൻതന്നെ മുണ്ടക്കയം മെഡിക്കൽ ട്രസ്റ്റ് (MMT) ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പാമ്പ് കടിയേറ്റതാണെന്നാണ് പ്രാഥമിക നിഗമനം.

മൃതദേഹം പോസ്റ്റുമോർട്ടം നടപടികൾക്കായി മാറ്റി. മക്കൾക്കും മറ്റു ബന്ധുക്കൾക്കുമൊപ്പം വിശ്രമജീവിതം നയിക്കുകയായിരുന്നു മോളിക്കുട്ടി. സംസ്കാരം പിന്നീട് നടക്കും.