നിതിൻ രാജിന്റെ കൊലപാതകം: അനാചാരങ്ങളും ജാതീയതയും തിരിച്ചുവരുന്നതിന്റെ സൂചനയെന്ന് മിനി കെ. ഫിലിപ്പ്; മുണ്ടക്കയത്ത് ജനകീയ പ്രതിരോധ സമിതിയുടെ പ്രതിഷേധ സംഗമം
മുണ്ടക്കയം: നിതിൻ രാജിന്റെ കൊലപാതകം സമൂഹത്തിൽ കഴിഞ്ഞ കാലഘട്ടത്തിലെ അനാചാരങ്ങളും ജാതീയ ഉച്ചനീചത്വങ്ങളും തിരിച്ചുവരുന്നു എന്നതിന്റെ അപകടകരമായ സൂചനയാണെന്ന് ജനകീയ പ്രതിരോധ സമിതി ജില്ലാ രക്ഷാധികാരി ശ്രീമതി മിനി കെ. ഫിലിപ്പ് അഭിപ്രായപ്പെട്ടു. നിതിൻ രാജിന്റെ കൊലപാതകികളെ ഉടൻ അറസ്റ്റ് ചെയ്യുക, ക്യാമ്പസുകളിലെ മനുഷ്യാവകാശ ലംഘനങ്ങൾ തടയാൻ കർശന നടപടി സ്വീകരിക്കുക എന്നീ ആവശ്യങ്ങൾ ഉന്നയിച്ച് ജനകീയ പ്രതിരോധ സമിതി മുണ്ടക്കയത്ത് സംഘടിപ്പിച്ച പ്രതിഷേധ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അവർ.
സിജു കൈതമറ്റം അഖില കേരള പ്ലാന്റേഷൻ ലേബർ യൂണിയൻ ജനറൽ സെക്രട്ടറി കെ.കെ. ജലാലുദ്ദീൻ (വെൽഫെയർ പാർട്ടി ), രാജീവ് പുഞ്ചവയൽ (ചെയർമാൻ,മുണ്ടക്കയം സർക്കാർ ആശുപത്രി ജനകീയ സമരസമിതി ) സി.എസ്. പ്രമോദ് ( CSDS), ജെ.ജോൺ (പെൻഷനേഴ്സ് യൂണിയൻ ) വി.പി. കൊച്ചു മോൻ (AlUTUC), മായാ മോൾ. കെ.പി (AIMSS ജില്ലാ സെക്രട്ടറി) Dr: വിദ്യ.ആർ.ശേഖർ, രാജു വട്ടപ്പാറ,ബൈജു തുടങ്ങിയവർ പ്രസംഗിച്ചു.
