നിയമസഭാ തിരഞ്ഞെടുപ്പ്: കാഞ്ഞിരപ്പള്ളിയിൽ കേന്ദ്രസേനയുടെയും പോലീസിന്റെയും റൂട്ട് മാർച്ച്

കാഞ്ഞിരപ്പള്ളി: 2026-ലെ നിയമസഭാ തിരഞ്ഞെടുപ്പിന്റെ മുന്നൊരുക്കങ്ങൾ വിലയിരുത്തുന്നതിന്റെ ഭാഗമായി കാഞ്ഞിരപ്പള്ളി ടൗണിൽ പോലീസും കേന്ദ്ര സേനയും ചേർന്ന് റൂട്ട് മാർച്ച് നടത്തി. തിരഞ്ഞെടുപ്പ് വേളയിൽ ക്രമസമാധാനം ഉറപ്പുവരുത്തുന്നതിനും വോട്ടർമാരുടെ ആത്മവിശ്വാസം വർധിപ്പിക്കുന്നതിനുമായാണ് മാർച്ച് സംഘടിപ്പിച്ചത്.

കേന്ദ്ര സായുധ പോലീസ് സേനയും (CAPF) കേരള പോലീസും സംയുക്തമായാണ് മാർച്ചിൽ പങ്കെടുത്തത്. കാഞ്ഞിരപ്പള്ളി കുരിശുകവലയിൽ നിന്നും ആരംഭിച്ച റൂട്ട് മാർച്ച് നഗരത്തിന്റെ പ്രധാന ഭാഗങ്ങൾ ചുറ്റി പെറ്റ കവലയിൽ സമാപിച്ചു.

തിരഞ്ഞെടുപ്പ് കമ്മീഷന്റെ നിർദ്ദേശപ്രകാരം വരും ദിവസങ്ങളിൽ മണ്ഡലത്തിലെ മറ്റ് പ്രധാന കേന്ദ്രങ്ങളിലും സമാനമായ രീതിയിലുള്ള ഫ്ലാഗ് മാർച്ചുകൾ നടക്കും. ഉയർന്ന പോലീസ് ഉദ്യോഗസ്ഥരും സേനാ കമാൻഡർമാരും മാർച്ചിന് നേതൃത്വം നൽകി. വരും ആഴ്ചകളിൽ കൂടുതൽ കേന്ദ്ര സേനാ അംഗങ്ങൾ ജില്ലയിൽ എത്തുമെന്നാണ് റിപ്പോർട്ടുകൾ സൂചിപ്പിക്കുന്നത്.