ക്യാമറക്കണ്ണിലെ വിസ്മയങ്ങൾ; കുട്ടിക്കാനം മരിയൻ കോളേജിൽ ‘ഷട്ടർ സ്റ്റോറീസ്’ ചിത്രപ്രദർശനം സംഘടിപ്പിച്ചു

കുട്ടിക്കാനം മരിയൻ കോളേജിലെ എഫ് ഐ യു ജി പി പ്രോഗ്രാമിൽ മാധ്യമ പഠന വിഭാഗം ഓഫർ ചെയ്ത നൈപുണ്യ മെച്ചപ്പെടുത്തൽ കോഴ്സായ ഫോട്ടോഗ്രഫിയുടെ ഭാഗമായി ‘ഷട്ടർ സ്റ്റോറീസ്’ എന്ന പേരിൽ ചിത്രപ്രദർശനം നടത്തി. മരിയൻ കോളേജ് അഡ്മിനിസ്ട്രേറ്റർ ഫാ. തോമസ് എബ്രാഹം എക്സിബിഷൻ ഉദ്ഘാടനം ചെയ്തു.

സമ്മേളനത്തിൽ വൈസ് പ്രിൻസിപ്പൽ ഷൈജു കെ എസ്, അസിസ്റ്റൻ്റ് അഡ്മിനിസ്ട്രേറ്റർ ഫാ. അജോ പേഴുംകാട്ടിൽ, എഫ് ഐ യു ജി പി കോഡിനേറ്റേഴ്സ് ബിജു പി മാണി, സിമി ജോൺ, മാധ്യമ വിഭാഗം തലവൻ ഫാ. സോബി തോമസ് കന്നാലിൽ, എക്സിബിഷൻ കോർഡിനേറ്റർ ആഷ്ലി മാത്യു എന്നിവർ സംസാരിച്ചു. അഡ്വ. ഡീൻ കുര്യാക്കോസ് എം പി ചിത്രപ്രദർശനം കാണുകയും കുട്ടികളുമായി സംവദിക്കുകയും ചെയ്തു.

31 വിദ്യാർത്ഥികളുടെ തെരഞ്ഞെടുത്ത ഇരുന്നൂറോളം ചിത്രങ്ങളാണ് പ്രദർശിപ്പിച്ചത്. അധ്യാപകരും വിദ്യാർത്ഥികളും ഉൾപ്പെടെ 600ലധികം ആളുകൾ പ്രദർശനത്തിൽ പങ്കുചേർന്നു. കുട്ടിക്കാനം സെൻ്റ് പയസ് ടെൻത് സ്കൂളിലെ വിദ്യാർത്ഥികളും ചിത്രപ്രദർശനം സന്ദർശിച്ചു. ഡിപ്പാർട്ട്മെൻ്റിൻ്റെ ഭാഗമായുള്ള സ്റ്റുഡിയോ മരിയനിലാണ് പ്രദർശനം നടന്നത്.