കൂവപ്പള്ളിയിൽ വോട്ട് രേഖപ്പെടുത്തി അഡ്വ. സെബാസ്റ്റ്യൻ കുളത്തുങ്കൽ; കുടുംബസമേതം ബൂത്തിലെത്തി

കാഞ്ഞിരപ്പള്ളി: പൂഞ്ഞാർ നിയോജകമണ്ഡലത്തിലെ എൽഡിഎഫ് സ്ഥാനാർത്ഥി അഡ്വ. സെബാസ്റ്റ്യൻ കുളത്തുങ്കൽ തന്റെ വോട്ട് രേഖപ്പെടുത്തി. കൂവപ്പള്ളി സെന്റ് ജോസഫ്സ് ഹൈസ്കൂളിലെ പോളിംഗ് ബൂത്തിലെത്തിയാണ് അദ്ദേഹം സമ്മതിദാനാവകാശം വിനിയോഗിച്ചത്.

ഭാര്യയും കുടുംബാംഗങ്ങളോടുമൊപ്പമാണ് അദ്ദേഹം വോട്ട് ചെയ്യാനെത്തിയത്. മണ്ഡലത്തിൽ നടപ്പിലാക്കിയ വികസന പ്രവർത്തനങ്ങൾക്കുള്ള അംഗീകാരമായി ഈ ജനവിധി മാറുമെന്നും, മികച്ച ഭൂരിപക്ഷത്തോടെ വിജയിക്കാൻ കഴിയുമെന്നും വോട്ട് രേഖപ്പെടുത്തിയ ശേഷം അദ്ദേഹം മാധ്യമങ്ങളോട് പറഞ്ഞു.

രാവിലെ മുതൽ തന്നെ കൂവപ്പള്ളി മേഖലയിലെ ബൂത്തുകളിൽ വോട്ടർമാരുടെ സജീവമായ തിരക്കാണ് അനുഭവപ്പെടുന്നത്. വോട്ട് രേഖപ്പെടുത്തിയ ശേഷം മണ്ഡലത്തിലെ വിവിധ ഭാഗങ്ങളിലുള്ള ഇലക്ഷൻ ബൂത്തുകൾ സന്ദർശിക്കാനായി അദ്ദേഹം യാത്ര തിരിച്ചു.