മുണ്ടക്കയം പഞ്ചായത്തിന്റെ കിഴക്കൻ മേഖലയിൽ വലിയ വികസനക്കുതിപ്പിന് വഴിതുറക്കുന്നു. കരിനിലം – പുഞ്ചവയൽ – 504 – കുഴിമാവ് റോഡ് നിർമ്മാണോദ്ഘാടനം നാളെ മന്ത്രി പി.എ. മുഹമ്മദ് റിയാസ് നിർവ്വഹിക്കും

മുണ്ടക്കയം: മുണ്ടക്കയം പഞ്ചായത്തിലെ കിഴക്കൻ മേഖലയിലുള്ളവർക്ക് ഏറെ ആശ്വാസമായി കരിനിലം – പുഞ്ചവയൽ – 504 – കുഴിമാവ് റോഡ് അത്യാധുനിക രീതിയിൽ പുനർനിർമ്മിക്കുന്നു. ഒന്നാംഘട്ടമായി 5 കോടി രൂപ ചിലവഴിച്ച് ബി.എം. ആന്റ് ബി.സി. (BM&BC) നിലവാരത്തിലാണ് റോഡ് നവീകരിക്കുന്നത്.

പൂഞ്ഞാർ എം.എൽ.എ. അഡ്വ. സെബാസ്റ്റ്യൻ കുളത്തുങ്കലിന്റെ നിരന്തരമായ ഇടപെടലുകളെത്തുടർന്നാണ് സംസ്ഥാന പൊതുമരാമത്ത് വകുപ്പ് പദ്ധതിക്ക് ഭരണാനുമതി നൽകിയത്.

കേരള പൊതുമരാമത്ത് – ടൂറിസം വകുപ്പ് മന്ത്രി ശ്രീ. പി.എ. മുഹമ്മദ് റിയാസ് നിർമ്മാണോദ്ഘാടനം നിർവ്വഹിക്കും. ചടങ്ങിൽ അഡ്വ. സെബാസ്റ്റ്യൻ കുളത്തുങ്കൽ എം.എൽ.എ. അധ്യക്ഷത വഹിക്കും. പത്തനംതിട്ട എം.പി. ശ്രീ. ആന്റോ ആന്റണി മുഖ്യാതിഥിയായിരിക്കും. തദ്ദേശ സ്വയംഭരണ സ്ഥാപന പ്രതിനിധികളും രാഷ്ട്രീയ-സാമൂഹിക രംഗത്തെ പ്രമുഖരും ചടങ്ങിൽ സംബന്ധിക്കും.